٣
١ كذلك ای زوجه‌لر كندی زوجلركزه مطیع اولڭز تا كه بعضلری كلامه اعتقاد ایتمزلر ایسه‌ده٢ سزڭ قورقو ایله اولان عفتلو حركتلركزی كورملریله زوجه‌لرینك حركتلری واسطه‌سیله كلام اولمقسزین قزانیله‌لر٣ و سزڭ زینتڭز ظاهرده اولان صاچ اورمك و آلتون طاقنمق یا اثواب كیمكدن عبارت اولمایوب٤ مخفی اولان باطنی انسانده حلیم و سلیم روحك فساددن مبرّا اولان زینتندن عبارت اولسون. بونڭ دخی اللهك عندنده قیمتی چوقدر٥ زیرا زمان قدیمده اللهه توكل ایدن مقدّس نسوان دخی كندی زوجلرینه مطیع اوله‌رق كندیلرینی بویله تزیین ایدرلر ایدی٦ نته كیم ساره ابراهیمه افندی دیه‌رك اڭا اطاعت ایدر ایدی سز دخی خیر ایشلیه‌رك هیچ بر قورقودن خوف ایتمدیكڭز حالده انك اولادی اولورسڭز٧ كذلك ای زوجلر سز دخی زوجه‌لركزی دها ضعیف ظرف مقامنده طوته‌رق انلر ایله برابر عاقلانه كچینوب حیات عنایتنه میراث شریكه‌لری بولندقلری مناسبتله انلره اكرام ایدڭز تا كه دعالركزه مانع اولمایه٨ نهایت الامر جمله ڭز هم افكار همدرد قارنداش سویجی شفیق و لطیف اولڭز٩ كملكه كملك یاخود شتمه شتمله مقابله ایتمیه‌رك بالعكس خیر دعا ایدڭز چونكه بونڭ ایچون یعنی بركته وارث اولمق ایچون دعوت اولندیغكزی بیلورسڭز١٠ زیرا حیات سومك و ایو كونلر گورمك استیان كندی دیلنی كوتولكدن و دود اقلرینی حیله سویله‌مكدن ضبط ایتسون١١ كوتولكدن اجتناب ایدوب ایولك ایتسون. سلامتی ارایوب اڭا سعی ایتسون١٢ زیرا ربك كوزلری صالحلر اوزرینه و قولاقلری انلرك نیازینه اما ربك یوزی كوتولك ایدنلر علیهنه‌در١٣ و خیره مقتدی اولدیغڭز حالده كیم سزه اذیت ایده‌جكدر١٤ و لكن اگر صلاح ایچون الم چكر ایسه‌ڭز نه مباركسڭز و انلرك قورقوسندن قورقوب مضطرب اولمایه‌سڭز.١٥ لكن كندی قلبلركزده رب اللهی تقدیس ایلیڭز و ضمیرڭز پاك اوله‌رق درونكزده اولان امیدك سببنی هر بر طلب ایدنه حلمله و قورقو ایله جواب ویرمكه حاضر بولنه‌سڭز١٦ تا كه [شرّ ایشلیان دیو] سزی ذم ایتدكری خصوصده مسیحده اولان ایو حركتلركزه بهتان ایدنلر خجل اوله‌لر١٧ زیرا اللهك ارادتی بویله تعلق ایدر ایسه ایولك ایدر ایكن الم چكمك كوتولك ایدر ایكن الم چكمكدن اولی‌در١٨ زیرا مسیح دخی بزی اللهه یاقلاشدرمق اوزره یعنی صالح فاسقلرك یولنه كناه ایچون بر كره الم چكدی و جسدجه اولدرلدی ایسه‌ده روحجه احیا اولندی١٩ بونڭ ایله دخی گیدوب زندانده اولان روحلره وعظ ایلدی بونلر دخی بر وقت نوحك كونلرنده سفینه انشا اولنمقده ایكن اللهك صبری بكلدیكی وقتد عاصی اولمشلر ایدی٢٠ اول سفینه‌ده دخی بر قاچ یعنی سڭز جان صودن قورتلدیلر٢١ بوكا بكزر وافتیز (كه جسدك كیرینك دفعی دكل آنجق ایو ضمیرك اللهه اولان اقراریدر) عیسی المسیحك قیامتی واسطه‌سیله بزی شمدی خلاص ایدر٢٢ اولكه سمایه كیتمش اولوب ملكلر و حكومتلر و قدرتلر كندیسنه مطیع اوله‌رق اللهك صاغنده‌در