٤
١ ایمدی مسیح بزم ایچون جسدده الم چكمش اولمغله سز دخی همان اول نیتله سلاحلانڭز (زیرا جسدده الم چكن كناهدن فراغت ایتمشدر)٢ تا كه جسدده قالدیغڭز مدتی آرتق انسان شهوتلری موجبنجه دكل آنجق اللهك ارادتی موجبنجه كچوره‌سڭز٣ زیرا عمرمزك كچمش زمانی كافیدر كه طائفه‌لرك مرادینی فعله كتورمكله فسق و فجور و شهوتلر و میخورلق و مسخره‌لق و بكریلك و حرام اولان بتپرستلكلرده یورودك٤ و انلر ایله برابر فجورك همان اول افراطنه سكرتمدیككزده بونی غریب كوره‌رك سب ایدرلر٥ انلر دیری ایله اولو اولانلری محاكمه ایتمكه حاضر اولانه حساب ویره‌جكلردر٦ زیرا بو مقصد اوزره یعنی ادملره كوره تنجه حكم اولنوب اللهه كوره روحجه یاشایه‌لر دیو اولولره دخی بشارت تبشیر اولندی٧ لكن جمله‌نك نهایتی یاقلاسمشدر ایمدی عقللو اولوب دعایه آیق طورڭز٨ و هر شیدن اوّل بری بریكره اولان محبتكزه كمال كرمیله اولسون زیرا محبت چوق كناهلر ستر ایدر٩ سویلنمیه‌رك یكدیكرڭز حقنده مسافر پرور اولڭز١٠ هر بریڭز اللهك متنوع نعمتنك صادق كتحدالری كبی هر نه موهبه‌یی آلمش ایسه یكدیكر كزك خدمتنه صرف ایدڭز١١ بر كیمسه كلام ایدر ایسه اللهك كلاملری كبی بر كیمسه خدمت ایدر ایسه اللهك احسان ایلدیكی قوته كوره ایتسون تا كه الله عیسی المسیح واسطه‌سیله هر شیده تمجید اولنه. مجد و قدرت ابد‌الاباد اڭا مخصوصدر آمین.١٢ ای سوكیلولر كویا غریب بر شی سزه اصابت ایتمش دیو تجربه‌ڭز ایچون وقوع بولان آتشله قال اولنمكزك وقوعنی غریب بر شی صایمایڭز١٣ لكن مادامكه مسیحك الملرینه مشتركسڭز مسرور اولڭز تا كه انڭ جلالنك ظهورنده دخی شاد و مسرور اوله‌سڭز١٤ مسیحك اسمی ایچون ستم چكدیككزده نه مباركسڭز چونكه جلالك و اللهك روحی اوزركزده ساكن اولور انلرك طرفندن اڭا سب اولنور ایسه‌ده سزڭ طرفكزدن او تمجید اولنور١٥ و لكن سزدن بری قاتل یا خرسز یا شرّ ایشلیان كبی یاخود بشقه‌لرك امورینه مداخله ایدن كبی الم چكمسون١٦ اما اگر خرستیان بولندیغی ایچون ایسه خجل اولمایوب آنجق بو خصوصده اللهی تمجید ایلسون١٧ زیرا حكمك بیت اللهدن باشلامسنك وقتیدر و اگر اوّلا بزدن باشلار ایسه اللهك بشارتنه اطاعت ایتمیانلرك عاقبتی نه اوله‌جقدر١٨ و اگر صالح كوجله قورتیلور ایسه فاسق و كناهكار نره‌ده بولنور١٩ ایمدی اللهك ارادتی اوزره الم چكنلر خیر ایشلمكله كندی جانلرینی اڭا صادق خالق دیو امانت ایتسونلر