١
١ عیسی المسیحك رسولی بطرس پدر اللهك ازلی علمی موجبنجه روحك تقدیسیله اطاعت ایچون و عیسی المسیحك قاننك سرپلمسی ایچون انتخاب اولنوب٢ پونطوس و غلاطیا و قپادوقیا و آسیا و بتانیاده طاغلمش اولان غریبلره. سزه عنایت و سلامت چوغاله.٣ ربمز عیسی المسیحك پدری الله مبارك اولسون كه چوق مرحمتنه كوره عیسی المسیحك اولولردن قیام ایتمسیله دیری بر امید ایچون٤ صوك وقتده كشف اولنمغه حاضر اولان خلاصه نائل اولمق اوزره اللهك قوتیله ایمان واسطه‌سیله حفظ اولنانلره٥ یعنی سزه سماواتده حفظ اولنان زوال بولماز لكه‌سز و صولماز میراث ایچون یكیدن بزی تولید ایلدی٦ و بونده مسرور اولورسڭز واقعا حالك اقتضاسندن بر آز وقت درلو درلو تجربه‌لر سببیله محزون بولنورسڭز٧ تا كه ایمانكزك امتحانی آتشله قال اولنمش ایسه‌ده ینه فانی اولان آلتوندن زیاده قیمتلو اوله‌رق عیسی المسیحك ظهورنده مدح و عزت و جلال ایچون بولنه٨ انی دخی كورمه‌مش ایكن سورسڭز همدخی شمدی كورمز ایكن بیله اڭا اینانه‌رق٩ ایمانكزك نتیجه‌سی اولان جانلركزك خلاصنه نائل اولمغله تعریفه گلمز و معزز بر مسرّتله مسرور اولورسڭز١٠ بو خلاصك خصوصنده دخی سزه اوله‌جق عنایتك حقنده و حی ایله سویلیان پیغمبرلر تفتیش و تفحص ایتدیلر١١ درونلرنده بولنان مسیحك روحی مسیحك الم چكمسنه و بعده جلاله نائل اولمسنه اوّلدن شهادت ایتمسیله نه‌یه و نصل وقته دلالت ایتدیكنی تفتیش ایدرلر ایدی١٢ و اوّل شیلری كندیلرینه دكل آنجق بزه تبلیغ ایتدكلری انلره بیان اولندی بو شیلر ایسه سمادن ارسال اولنان روح القدس واسطه‌سیله سزه بشارتی تبشیر ایدنلرك الیله شمدی سزه اخبار اولنمشدر بو شیلره دخی نظر ایتمكی ملكلر آرزو ایدرلر١٣ ایمدی ذهنكزك بلنی قوشادوب آیق طوره‌رق عیسی المسیحك ظهورنده سزه احسان اولنه‌جق عنایته كاملاً امید ایدڭز١٤ جهالتڭز وقتنده اولان اولكی شهوتلره اویمایه‌رق آنجق اطاعتلو اولاد مثللو١٥ سزی دعوت ایدن قدوس اولدیغی كبی سز دخی هپ حركتلر كزده مقدّس اولڭز١٦ چونكه مقدّس اوڭز زیرا بن قدوس ایم دیو یازلمشدر١٧ و اگر هر كسك عملنه كوره خاطره رعایت ایتمیه‌رك حكم ایدنه پدر تسمیه ایدر ایسه‌ڭز غربتڭز كونلرینی قورقو ایله كچورڭز١٨ و بیلكزكه اجداددن قالمه باطل مسلكدن فانی كومش یا آلتونله دكل١٩ آنجق قصورسز و لكه‌سز قوزینك یعنی مسیحك ذیقیمت قانی فدیه‌سیله خلاص بولدیڭز٢٠ اولكه دنیانك تأسیسندن اقدم اللهه معلوم ایدی ایسه‌ده ایمانڭز و امیدڭز اللهه اولسون دیو صوك وقتلرده سزڭ ایچون٢١ یعنی انی اولولردن احیا ایدن و اڭا عزت ویرن اللهه انك واسطه‌سیله ایمان ایدنلر ایچون بیان اولندی٢٢ ریاسز قارنداش محبتی ایچون روحك واسطه‌سیله حقیقته مطیع اوله‌رق جانلركزی پاكلمش اولوب بری بریكزه پاك قلبدن زیاده‌سیله محبت ایدڭز٢٣ چونكه فانی تخمدن دكل آنجق فانی اولمایاندن اللهك حی و [الی‌الابد] باقی اولان كلامی واسطه‌سیله یكیدن طوغدیڭز٢٤ زیرا هر تن اوت كبی و ادمك جمله شرفی اوتك چیچكی كبیدر. اوت قورور و چیچكی دوكیلور٢٥ لكن ربك كلامی الی‌الابد باقیدر و سزه تبشیر اولنان كلام بودر