٤
١ اراكزده جنكلر و غوغالر نره‌دن اولور. بورادن یعنی اعضاكزده محاربه ایدن شهوتلركزدن دكلمیدر٢ طمع ایدرسڭز و مالك اولمازسڭز. قتل ایدرسڭز و حسد ایدرسڭز و نائل اوله‌مازسڭز. غوغا و جنك ایدرسڭز و مالك اولمازسڭز چونكه طلب ایتمزسڭز٣ طلب ایدرسڭز و آله‌ماز‌سڭز زیرا شهوتلركزه صرف ایتمك اوزره فنا یولده طلب ایدرسڭز٤ ای زانی و زانیه‌لر دنیایه اولان محبت اللهه عداوت اولدیغنی بیلمزمیسڭز. ایمدی هر كیم دنیایه دوست اولمق استر ایسه اللهه دشمن اولمش اولور٥ بزده ساكن اولان روح حسده مشتاقدر بیوران كتاب بیهوده‌می سویلر ظن ایدرسڭز٦ لكن دها بیوك عنایت ویرر. بو اجلدن بیورر كه الله متكبرلره قارشو طورور لكن متواضعلره عنایت احسان ایدر٧ ایمدی اللهه مطیع اولڭز. شیطانه قارشو طورڭز او دخی سزدن فرار ایده‌جكدر٨ اللهه یاقلاشڭز او دخی سزه یاقلاشه‌جقدر. ای كناهكارلر اللركزی پاكلیڭز و ای ایكی فكرلولر قلبلركزی تطهیر ایدڭز٩ مكدر و محزون اولوب اغلایڭز. سزڭ كولشكر حزنه و مسرّتڭز غمه دولسون١٠ ربك حضورنده تواضع ایدڭز او دخی سزی ترفیع ایده‌جكدر١١ ای برادرلر بری بریكزی ذم ایتمیڭز. برادرینی ذم ایدن و برادرینی حكم ایدن شریعتی ذم ایدر و شریعتی حكم ایدر. ایمدی اگر شریعتی حكم ایدر ایسه‌ك شریعتله عامل دكلسین آنجق حاكم‌سین١٢ شریعت قویان بردر. اول كه خلاص و هلاك ایتمكه قادردر. سن كیم‌سین كه آخری حكم ایدرسین.١٣ شمدی كلڭز ای سز كه بوكون یاخود یارین فلان شهره واره‌لم و اوراده بر ییل مكث ایده‌لم و تجارت ایدوب كار ایده‌لم دیورسڭز١٤ (حالبو كه یارین نه وقوع بوله‌جغنی بیلمزسڭز زیرا عمرڭز نه‌‌در. حقیقةً برآز وقت كورینوب بعده نابدید اولور بر بخاردر)١٥ انك یرینه رب استرده صاغ قالور ایسه‌ك بونی یا شونی یاپه‌لم دیملیسڭز١٦ شمدی ایسه كندی تكبرڭز سببیله تفاخر ایدرسڭز. بو مثللو تفاخر كافهً كوتودر١٧ ایمدی هر كیم خیر ایشلمكی بیلوبده اجرا ایتمزسه ایشلمه‌مسی اڭا كناهدر