١
١ الله زمان قدیمده نیچه قطعه‌لر و نیچه طرزلرده پیغمبرلر واسطه‌سیله اجداده سویله‌مش اوله‌رق٢ بو صوك كونلرده دخی هر شیئه وارث نصب ایلیوب عالملری دخی واسطه‌سیله خلق ایلدیكی اوغلیله بزه سویلدی٣ بو دخی انك جلالنك ضیاسی و جوهرینك رسم ذاتیسی اولوب موجوداتك كافه‌سنی كندی قدرتنك كلامیله وقایه ایده‌رك كندیسی واسطه‌سیله كناهلركزك تطهیری تداركنی ایتدكدنصكره یوكسكلرده عظمتك صاغنده جلوس ایتدی٤ و وارث اولدیغی اسم ملكلر اسمندن نه قدر افضل ایسه ذاتی دخی اولقدر اعظم اولدی٥ زیرا ملكلرك قنغیسنه بر زمان دیمشدر كه سن اوغلم سین بن سنی بو كون تولید ایلدم و ینه بن اڭا پدر اوله‌جغم او دخی بڭا اوغل اوله‌جقدر٦ و ینه ایلك اوغلی دنیایه ادحال ایتدیكی وقت دیر كه و اللهك جمله ملكلری اڭا سجده ایتسونلر٧ و ملكلر حقنده بیورر كه كندی ملكلرینی روحلر و خدمه‌سنی آتش آلوی ایدر.٨ لكن اوغله یا الله سنڭ تختك ابدالاباددر سنڭ ملكوتكك عصاسی استقامت عصاسیدر٩ صلاحی سووب فسقدن اكراه ایتدك بو سببدن یا الله سنڭ اللهك سنی شریكلر كدن زیاده شادلق یاغیله مسح ایلدی١٠ هم یا رب ابتداده زمینك تملنی سن قوردك و سماوات اللركك ایشیدر١١ بونلر زوال بولور اما سن باقی‌سین. جمله‌سی لباس كبی اسكیوب انلری قفتان كبی دوره‌جكسین و دكشه‌جكلر١٢ لكن سن همان او ذات سین سنه‌لرك دخی نهایت بولماز دیو بیورر.١٣ و ملكلرك قنغیسته بر زمان سنڭ دشمنلركی ایاقلر كه بصامق قوینجه‌یه‌دك سن صاغمده اوتور دیمشدر١٤ انلرك جمله‌سی خلاصه وارث اوله‌جق كیمسه‌لره خدمت ایچون ارسال اولنان خادم روحلر دكللرمی.