٢
١ افسوسده اولان كلیسانك ملكنه یاز یدی یلدزی صاغ النده طوتوب یدی آلتون شمعدانك اورتاسنده كزن ذات بویله بیورر.٢ سنڭ عمللركی و امككی و صبركی و شریرلره تحمل ایده‌مدیككی و رسوللر دكل ایكن رسوللر ایز دیانلری تجربه ایدوب انلری یالانجی بولدیغكی٣ و صبر ایده‌رك تحمل ایتدیككی و اسمم ایچون [ امك چكه‌رك ] كوشه‌مدیككی بیلورم٤ بو جمله ایله علیهكده دیه‌جكم وار چونكه اوّلكی محبتكی ترك ایتدك٥ ایمدی نره‌دن دوشمش اولدیغكی خاطر كه كتور و توبه ایله و اوّلكی عمللری ایشله یوقسه توبه ایتمز ایسه‌ك سڭا تیز گلور و شمعدانكی یرندن قالدررم٦ لكن سنده بو وار كه نیقولاویلرك عمللرندن اكراه ایدرسین بن دخی انلردن اكراه ایدرم٧ قولاغی اولان كیمسه روحك كلیسالره سویله‌دیكنی ایشیتسون. غالب اولانه اللهك جنتی اورتاسنده اولان حیات آغاجندن یمیكی احسان ایده‌جكم.٨ و ازمیرده اولان كلیسانك ملكنه یاز. اولمش اولوبده دیرلمش اولان اول اوّل و آخر بویله بیورر٩ سنڭ عمللركی و مضایقه‌كی و فقیرلككی (اما زنكین‌سین) و یهودی دكل آنجق شیطانك جماعتی ایكن یهودی ایز دیانلرك كفرینی بیلورم١٠ چكه‌جكك شیلرك برندن قورقمه اشته تجربه اولنمڭز ایچون شیطان سزدن بعضلرینی حبسه آته‌جق و اون كون قدر مضایقه‌ڭز اوله‌جقدر. اولومه دكین صادق اول بن دخی سڭا حیات تاجنی ویررم١١ قولاغی اولان كیمسه روحك كلیسالره سویله‌دیكنی ایشیتسون. غالب اولان ایكنجی اولومدن زیان حكمیه‌جكدر.١٢ و برغمه‌ده اولان كلیسانك ملكنه یاز ایكی آغزلو كسكین قلیجك صاحبی بویله بیورر١٣ سنڭ عمللركی و سنڭ نره‌ده یعنی شیطانك تختی بولندیغی یرده ساكن اولدیغكی بیلورم و اسممی قوی طوتارسین و اراكزده شیطانك ساكن اولدیغی یرده اول صادق شهیدم اولان انتیپاس قتل اولندیغی كونلرده بیله بڭا اولان ایمانكی انكار ایتمدك١٤ بو جمله ایله علیهكده بر آز دیه‌جكم وار چونكه اوراده یانكده بت قربانندن ییمه‌لری و زنا ایتملری ایچون بنی اسرائیلك اوكنه توڭز قومغی بالاقه اوكردان بلعامك تعلیمنی طوتانلر وار.١٥ كذلك سنڭ یانكده دخی بنم اكراه ایتدیكم نیقولاویلر تعلیمنی طوتانلر وار١٦ توبه ایله یوقسه سڭا تیز گلوب آغزمك قلیجیله انلر ایله جنك ایدرم١٧ قولاغی اولان كیمسه روحك كلیسالره سویله‌دیكنی ایشیتسون. غالب اولانه محفوظ مندن ییمكی احسان ایدوب اڭا بر بیاض طاش ویره‌جكم اول طاشك اوزرنده دخی انی آلاندن ماعدا كیمسه‌نك بیلمدیكی بر یكی اسم یازیلیدر.١٨ و تیاتیره‌ده اولان كلیسانك ملكنه یاز كوزلری آتش آلوی كبی اولوب ایاقلری خاص پرنجه بكزر اولان ابن الله بویله بیورر١٩ سنڭ عمللركی و محبتكی و خدمتكی و ایمانكی و صبركی هم صكره‌كی عمللرك اوّلكیلردن زیاده اولدیغنی بیلورم٢٠ بو جمله ایله علیهكده [ برآز ] دیه‌جكم وار چونكه نبیه ایم دیان قاری یزابل زنا ایتمكی و بت قربانندن یمیكی تعلیم ایده‌رك قوللرمی اضلال ایتمسنه براقورسین.٢١ و بن اڭا كندی زناسندن توبه ایچون مهلت ویردم ایسه‌ده توبه ایتمدی٢٢ اشته انی بر یاتاغه و انك ایله زنا ایدنلری كندی عمللرندن توبه ایتمدكلری تقدیرده بیوك مضایقه‌یه براقه‌جغم٢٣ و اولادینی اولومله قتل ایده‌جكم و جمله كلیسالر بوبركلر ایله قلبلری تفتیش ایدن بن ایدیكمی بیله‌جكلر و هر بریكزه عمللر كزه‌كوره ویره‌جكم٢٤ اما سز تیاتیره‌ده بولنان سائرلره همان بو تعلیمی قبول ایتمیان و شیطانك درین اموری عدّ ایتدكلری شیلری بیلمیانلره دیرم‌كه اوزریكزه بشقه یوك قومایه‌جغم٢٥ مكر كه مالك اولدیغڭز شیئی تا بن كلنجه‌یه دكین قوی طوته‌سڭز٢٦ و غالب اولوب عمللرمی نهایته دكین حفظ ایدن كیمسه‌یه بن پدرم طرفندن آلدیغم كبی ملتلر اوزرینه حكومت ویره‌جكم.٢٧ او دخی انلره دمیر عصا ایله حكومت ایده‌جك و انلر چو ملكجی قابلری كبی پاره‌لنه‌جكدر٢٨ و اڭا صباح یلدزینی ویره‌جكم٢٩ قولاغی اولان كیمسه روحك كلیسالره سویله‌دیكنی ایشیتسون.