٦
١ بو اجلدن مسیح حقنده اولان مبدأ كلامدن صرف نظر ایدوب كماله طوغری ایلرولیه‌لم و تكرار اولو عمللردن توبه و اللهه ایمان٢ و وافتیزلر تعلیمی و اللر قومسی و اولولرك قیامی و ابدی حكمدی تمل براقمایه‌لم٣ و الله اذن ویرر ایسه بونی یاپه‌جغز٤ زیرا بر كره نوره نائل اولانلر و سماوی عطیه‌یی طادانلر و روح القدسه حصه‌دار اولانلر٥ و اللهك ایو كلامنی و كله‌جك عالمك قوتلرینی طاتمش اولانلر٦ ارتداد ایتدكلری تقدیرده بتكرار توبه ایچون تجدید اولنملری غیر ممكندر چونكه كندیلرینه ابن اللهی تكرار صلب ایدوب رسوای ایدرلر٧ زیرا طوپراق چوق دفعه أوزرینه گلان یاغموری ایچوب كیملر ایچون تیمار اولنورسه انلره فائده‌لو نباتات حصوله كتوردیكنده الله طرفندن بركته نائل اولور٨ اما دیكن و چالیلر حصوله كتورن مردود و لعنته یاقین اولوب عاقبتی یانمقدر٩ لكن ای سو كیلولر بویله سویلر ایسه‌ك‌ده سزڭ حقكزده دها خیرلو و خلاصی موجب اولان شیلره اعتمادمز وار١٠ زیرا الله عدالتسز دكلدر كه امككزی و مقدّسلره ایتدیكڭز و ایتمكده بولندیغڭز خدمتله اسمنه كوستردیكڭز محبتی اونوده١١ اما كوشه‌میوب ایمان و صبر واسطه‌سیله وعدلره وارث اولانلره مقتدی اولمڭز ایچون١٢ سزڭ هر بریڭز امیدك كماله ایرمسی خصوصنده نهایته دكین همان بو جهدی ابراز ایتمكزی آرزو ایدرز١٣ زیرا الله ابراهیمه وعد ایتدیكنده حقی ایچون یمین ایده‌جك كندندن بیوك بر ذات بولنمادیغندن كندی ذاتی حقی ایچون یمین ایدوب١٤ حقیقةً سنی زیاده‌سیله بر كتلیه‌جكم و سنی زیاده‌سیله چوغالده‌جغم دیدی١٥ او دخی بو وجهله صبر ایتد كدنصكره وعده نائل اولدی١٦ زیرا ادملر كندیلردن بیوكك حقی ایچون یمین ایدرلر و عندلرنده اثبات ایچون هر منازعه‌نك نهایتی یمیندر١٧ بو جهتله الله وعدك وارثلرینه كندی تدبیرینك تغیری غیر ممكن ایدیكنی دها زیاده كوسترمك مرادنده اوله‌رق بر یمین علاوه ایلدی١٨ تا كه انلرده اللهك یالان سویله‌مسی محال اولان تغیر ایتمز ایكی شیئڭ واسطه‌سیله بز اوكمزه قونیلان امیده نائل اولمق ایچون التجا ایدنلر قوی تسلی‌یه مالك اوله‌لم١٩ بو امیدی دخی جانمزه محكم و ثابت لنكر مقامنده طوتارز او دخی پرده‌نك ایچ طرفنه٢٠ یعنی عیسی ملكصادق ترتیبی اوزره الی الابد كاهن اعظم اوله‌رق بزم ایچون مرشد اولمق اوزره كیردیكی محله كیرر.