٣
١ ایمدی ای سماوی دعوتك حصه‌دارلری اولان مقدّس برادرلر اقرارمزك رسولی و كاهن اعظمی عیسی المسیحه نظر ایدڭز٢ اولكه كندینی نصب ایدنه موسی انك بتون خانه‌سنده صادق بولندیغی كبی صادقدر٣ زیرا خانه‌یی بنا ایدنك خانه‌دن نه قدر زیاده اعتباری وار ایسه بو ذات موسادن اولقدر زیاده عزته لایق عدّ اولندی٤ زیرا هر خانه بر كیمسه طرفندن بنا اولنور لكن هر شیئی بنا ایدن اللهدر٥ و موسی انك بتون خانه‌سنده سویلنیله‌جك شیلره شهادت ایچون خدمتكار مقامنده صادق بولندی ایسه‌ده مسیح اوغل صفتیله كندی خانه‌سی اوزرنده صادقدر٦ و جسارتی و امیدك افتخارینی نهایته قدر قوی طوتدیغمز حالده انك خانه‌سی بز ایز٧ بو اجلدن روح القدسك سویله‌دیكی اوزره اگر بو كون انك صداسنی ایشیدر ایسه‌ڭز٨ برّیه‌ده تجربه كوننده اللهی غضبه كتوردكلرنده اولدیغی كبی قلبلركزی قاتیلاشدرمایڭز٩ اوراده اجدادڭز بنی تجربه و امتحان ایلیوب ایشلرمی قرق سنه كوردیلر١٠ بو اجلدن اول نسلدن بیزار اوله‌رق دیدمكه دائما قلبلرنده ضلالته دوشرلر طریقلرمی دخی بیلمدیلر١١ حتی غضبمده راحتمه كیرمیه‌جكلر دیو یمین ایتدم١٢ باقڭز ای برادرلر كه سزدن برنده حی اللهدن ارتداد ایتمكده ایمانسز و كوتو قلب بولنماسون١٣ اما سزدن بری كناهك اضلالیله قاتیلاشماسی ایچون بو كون دینلدكجه هر كون بری بریكزه نصیحت ایدڭز١٤ زیرا اعتمادك ابتداسنی نهایته دكین محكم طوتدیغمز تقدیرده مسیحك شریكلری اولمش اولدق١٥ نته كیم بوكون اگر انك صداسنی ایشیدر ایسه ڭز غضبه كتوردكلرنده اولدیغی كبی قلبلركزی قاتیلاشدرمایڭز١٦ زیرا بعضلری ایشیتمش اوله‌رق عضبه كتوردیلر لكن بونلر موسی واسطه‌سیله مصردن چیقانلرك جمله‌سی دكل ایدی١٧ و قرق سنه كیملردن بیزار اولدی. كناه ایدوب جسدلری برّیه‌ده دوشنلردن دكلمی ایدی١٨ و كندی راحتنه كیرمیه‌جكلر دیو اطاعت ایتمیانلردن غیری كیملر حقنده یمین ایتدی١٩ و كوریورز كه ایمانسزلق سببندن كیره‌مدیلر