١
١ بن اختیاردن حقیقتده سودیكم سوكیلو غایوسه٢ ای سوكیلوم چانك سعادت حالده اولدیغی كبی سنڭ هر شیده سعادت حالك و عافیتده بولنمقلغك ایچون دعا ایدرم٣ زیرا بعض برادرلر گلوب حقیقتده یورومكد اولدیغك كبی سنده بولنان حقیقته شهادت ایتدكلرنده زیاده‌سیله مسرور اولدم٤ بوندن یعنی اولادمك حقیقتده یورودكلرینی ایشیتمكدن زیاده بیوك مسرّتم یوقدر.٥ ای سوكیلوم برادرلره و غریبلره هر نه ایدر ایسه‌ك صادقانه ایدرسین٦ انلر كلیسانك حضورنده محبتكه شهادت ایتدیلر انلری دخی اللهك رضاسی اوزره كوندردیكك حالده ایو ایتمش اولورسین.٧ زیرا طائفه‌لردن بر شی آلمایه‌رق انك اسمی ایچون یوله روان اولدیلر٨ ایمدی بز بویله كیمسه‌لری قبول ایتمكه بورجلو ایز تا كه حقیقتده امكداش اوله‌لم.٩ كلیسایه یازدم ایسه‌ده ارالرنده برنجی اولمق سوداسنده اولان دیو طریفس بزی قبول ایتمز١٠ بوسببدن كلدیكم تقدیرده ایتدیكی عمللرینی یعنی علیهمزده كوتو سوزلرله اطالۀ لسان ایتدیكنی و بونڭ ایله اكتفا ایتمیه‌رك برادرلری كندیسی قبول ایتمدكدن ماعدا استیانلری منع ایله كلیسادن چیقاردیغنی خاطره كتوره‌جكم١١ ای سوكیلوم شرّه دكل آنجق خیره مقتدی اول. خیر ایشلیان اللهدندر اما شرّ ایشلیان اللهی كورمه‌مشدر١٢ دیمتریوس جمله‌نك و اصل حقیقتك دخی حسن شهادتنه مظهردر. بز دخی شهادت ایدرز و شهادتمز حق اولدیغنی بیلورسڭز.١٣ یازه‌جق چوق شیلرم وار ایدی ایسه‌ده سڭا مركب و قلمله یازمق استمم١٤ لكن سنڭ ایله یاقینده كوریشوب شفاهاً سویله‌مك امیدنده ایم١٥ سڭا سلامت اولسون. دوستلر سڭا سلام ایدرلر. دوستلره برر برر سلام ایله.