١
١ بن اختیاردن حقیقتده سودیكم٢ و یالڭز بنم دكل آنجق حقیقتی بیلیلرك جمله‌سنك بزده قالوب الی الابد بزم ایله بولنه‌جق حقیقت سببندن سودكلری منتخب خاتون ایله اولادینه٣ پدر الله طرفندن و پدرك اوغلی رب عیسی المسیح طرفندن حقیقت و محبتده عنایت و مرحمت و سلامت سزڭ ایله اولسون.٤ پدردن آلدیغمز امره‌كوره سنڭ اولادكدن حقیقتده یورویانلر بولدیغمده زیاده‌سیله مسرور اولدم٥ و شمدی ای خاتون سڭا بریكی امر یازار كبی دكل آنجق ابتدادن مالك اولدیغمزی یازه‌رق سڭا رجا ایدرم كه بری بریمزی سوه‌لم٦ و محبت انك امرلرینه كوره یورومه‌مزدر. امر بودر كه ابتدادنبرو ایشیتدیككزه كوره انده یورویه‌سڭز٧ زیرا دنیایه عیسی المسیحك تنده گلدیگنی اقرار ایتمیان چوق اضلال ایدیجیلر گلدی. آلدادیجی و دجا بودر٨ امكمزی ضایع ایتمیوب آنجق تام اجره نائل اولمه‌مز ایچون كندیكزه دقت ایدڭز٩ هر كیم كه تجاوز ایدوبده مسیحك تعلیمنده قالماز ایسه اللهه مالك دكلدر. انك تعلیمنده قالان كیمسه هم پدره هم دخی اوغله مالكدر١٠ اگر یانكزه بر كیمسه كلورده بو تعلیمی كتورمز ایسه انی اوه قبول ایتمیوب اڭا سلام دخی ویرمیڭز١١ زیرا اڭا سلام ویرن انك كوتو عمللرینه شریك اولمش اولور.١٢ سزه یازه‌جق چوق شیلرم وار ایسه‌ده كاغد و مركبله یازمق استمدم لكن مسرّتمز مكمل اولمسی ایچون یانكزه گلوب شفاهاً سویله‌مكه امیدم وار١٣ سنڭ منتخب همشره‌كك اولادی سڭا سلام ایدرلر [آمین].