١٣
١ قارنداش محبتی دائمی اولسون٢ مسافر پرورلكی اونوتمایڭز زیرا بو یول ایله بعض كیمسه‌لر بیلمیه‌رك ملكلر قبول ایتدیلر٣ محبوسلری انلر ایله حبس اولنمش كبی و جفاكار اولانلری كندیڭز دخی جسدده بولنانلر كبی تذڭز ایدڭز٤ اولنمك هر وجهله معتبردر و یاتاق لكه‌سزدر لكن زنپاره و زناكارلری الله حكم ایده‌جكدر.٥ طور و حركتڭز آقچه سومكلكدن بری اولسون. الكزده بولنان شیلره قناعت ایدڭز زیرا كندیسی سنی اصلا براقمام و سنی اصلا ترك ایتمم دیمشدر٦ شویله‌كه جسارتله رب بكار یاردمجیدر قورقمایه‌جغم انسان بڭا نه یاپه‌جقدر دیه‌لم٧ سزه اللهك كلامنی سویله‌مش اولان مرشدلركزی درخاطر ایدوب طور و حركتلرینك نتیجه‌سنه دقت ایتمكله ایمانلرینه مقتدی اولڭز٨ عیسی المسیح دون و بو كون و الی‌الابد همان اودر.٩ مخلتف و غریب تعلیماتله اوته بری سوروكلنمیڭز زیرا طالب‌اولمش اولانلرك استفاده ایتمدكلری طعاملرله دكل آنجق عنایتله قلبك ثابت قیلنمسی ایودر١٠ بر مذبحمز واردركه مسكنه خدمت ایدنلرك اندن یمیكه صلاحیتلری یوقدر١١ زیرا كاهن اعظمك الیله مقدِسه كناه ایچون قانی كوتورلمش اولان حیوانلرك جسدلری اردونك خارجنده یاقیلور١٢ بو اجلدن عیسی دخی كندی قانیله قومی تقدیس ایتمك ایچون قپونك خارجنده الم چكدی١٣ ایمدی انك ستمنی اوزرمزه آله‌رق اردونك خارجنه انك یاننه چیقه‌لم١٤ زیرا بوراده باقی قالور شهرمزیوقدر لكن كله‌جك اولانی ارایورز١٥ ایمدی انك واسطه‌سیله اللهه دائما تسبیحات قربانی یعنی انك اسمنی اقرار ایدن دوداقلرك ثمره‌سنی تقدیم ایده‌لم١٦ و ایولك ایتمكی و فقر ایه اعانه ایلمكی اونوتمایڭز زیرا الله بو مثللو قربانلردن راضیدر١٧ مرشدلركزی دیكله‌یوب انلره اطاعت ایدڭز زیرا انلر حساب ویره‌جك كیمسه‌لر مثللو جانلرڭز ایچون اویانق طورورلر تا كه بونی آه واه ایله دكل (زیرا او سزه فائده‌سز اولور) آنجق مسرّتله ایده‌لر١٨ بزم ایچون دعا ایلیڭز زیرا هر خصوصده حسن معامله ایتمك مقصدنده بولنه‌رق صالح ضمیرمر اولدیغنه اعتمادمز وار١٩ خصوصا بونی ایتمكزی رجا ایدرم تا كه یانكزه برآن اوّل اعاده اولنه‌یم.٢٠ و سلامت منبعی اولان الله كه ابدی عهدك قانیله قویونلرك عظیم چوبانی اولان ربمز عبسایی اولولردن احیا ایلدی٢١ كندی ارادتنی اجرا ایتمڭز ایچون سزی هر ایو عملده كامل قیلوب كندی حضورنده مقبول اولانی سزده عیسی المسیح واسطه‌سیله اجرا ایلیه. اڭا ابدالاباد مجد اولسون آمین.٢٢ و ای برادرلر سزه یالواررم بو نصیحت كلامنه تحمل ایدڭز زیرا سزه مختصرجه یازدم٢٣ طیموتاوس برادرك صالیویرلدیكی معلومڭز اولسون. یاقینده گلدیگی تقدیرده انك ایله برابر سزی كوره‌جكم.٢٤ جمله مرشدلركزه و مقدّسلرك جمله‌سنه سلام ایدڭز. ایتالیادن اولانلر سزه سلام ایدرلر٢٥ عنایت جمله كز ایله اولسون آمین.