١ واررشلیمە یاقلاشوب زیتون طاغی قربندە بیت فاجی یە كلدكلرندە عیسی ایكی شاكردكوندروب٢ انلرە قارشوكزدە كی كویە كیدكز ودرحال باغلو برمركب ویانندە برصپا بولورسكز چوزوب بڭا گتورڭز۔٣ واكربركیمسە سزە برشی سویلرسە بونلر اندی یە لازمدردیكز۔وفی الحال انلری كوندرە جكدر دیدی۔٤ وبونك جملەسی پیغمبر واسطەسیلە۔٥ صەیون قزینە دیكز كە اشتە ملكك حلیم ومركبە بلی مركب یاوریسی صپا یە بینمش اولە رق سكا كلیور دیوبیوریلان كلامڭ اتمامی ایچون واقع اولدی۔٦ وشاكردلر واروب عیسانڭ كندیلرینە یوردیغی گبی حركتلە۔٧ مركبی وصپایی كتوروب اوزرلرینە البسەلرینی قودیلر اودخی اوزرلرینە بندی۔٨ وپك چوق خلق دخی كندی البسەلرینی یولە سردیلر وبشقەلری اغاجلردن داللر كسوب یولە دوشە یە رك۔٩ اوكدن كیدن وارقە دن گلان خلق ابن داود اوصنا۔ربك اسمیلە گلان مبارك اولسون۔یوجەلردە اوصنا دیەرك ایدرلرایدی۔١٠ واورشلیمە كیردیكندە بوكیمدردیەرك بتون شھرتحریك اولندی۔١١ خلق دخی بوجلیلدە واقع ناصرتدن اولان عیسی پیغمبردردیدلر۔١٢ وعیسی اللھك ھیكلنە گیروب ھیكلدە اخذ واعطاایدنلرك جملەسنی چیقاری رق صرافلرك پیشتختەلرینی وكوكرجین صاتیجیلرك اسكملەلرینی آلت اوست ایتدی۔١٣ وانلرە خانە م عبادتخانە تسمیە اولنە جقدر دیو یازلمشدرفقط سزانی حرامیلرمغارە سی ایتدیكز دیدی۔١٤ وھیكلدە یاننە كورلر وطوپاللر گلدیلر اودخی انلرە شفا ویردی۔١٥ لكن باش كاھنلر ایلە علما اُنڭ اجرا ایلدیكی معجزەلری وچوجوقلر ك ھیكلدە ابن داودە اوصنا دیو ندا ایتدكلرینی كوردكلرندە پك كوجلرینە كیدە رك۔١٦ اڭا بونلرك نە سویلد یكنی ایشید یورمیسین دیدیلر۔عیسی دخی انلرە بلی معصوملر ایلە ممە امنلرك آغزندن حمدی تكمیل ایتدك كلامنی ھیچ بروقت اوقومدیكزمی دیدی۔١٧ وانلر براقدی وشھرك خارجنە بیت عنیایە چیقوب اورادە كیجە لدی۔١٨ وصباحلین شھرە عودت ایدر ایكن اجیقدی١٩ ویول كنارندە برانجیراغا جی گوروب یاننە واردیغندە اندە یپراقدن ماعدابرشی بولما مغلە اڭا بوند نصڭرە ابداًسندە میوە اولمسون دیدی۔وانجیر اغاجی دوعقب قورودی۔٢٠ وشاكردلری بونی كورنجە تعجّب ایدوب انجیر اغاجی نصل درعقب قورودی دیدكلرندە۔٢١ عیسی انلرە جواباً حقیقۃًسزە دیرمكە اگر ایمانڭز اولوبدە شبھە ایتمز ایسەڭزدل یالكزبوانجیر اغاجنە واقع اولانی اجرا ایدە جكسكز آنجق شوطاغە بیلە قالق كندوكی دڭزە آت دیسە كز واقع اولە جقدر۔٢٢ ودعادە ایمان ایدە رك ھرنە دیلر ایسەڭز آلە جقسڭز دیدی۔٢٣ وھیكلە گلدی وتعلیم ایدرایكن یاننە باش كاھنلر ایلە قومك اختیارلری كلە رك بونلری نە صلاحیتك یاپیورسین وبوصلاحیتی سكا كیم ویردی دیدیلر۔٢٤ وعیسی انلرە جواباًبن دخی سزە برشی سؤال ایدە یم۔ اكرانی بڭاسویلرایسەڭزبن دە بوشیلری نە صلاحیتك یاپدیغمی سزە سویلرم٢٥ یحیانڭ وافتیزی نرەدن ایدی۔سمادنمی یوقسە انساندنمی ایدی دیدی۔٢٦ انلردخی اكرسمادن دیسەك بزە نیچون اڭا ایمان ایتمدیكز دیە جك واكر انساندن دیسە ك خلقدن قورقارز۔زیرا جملەسی یحیایی پیغمبرمقامندە طوتاردیوكندی كندیلرینە تفكرایدوب۔٢٧ عیسایە جواباًبیلمیز دیدیلر۔اودخی انلرە بن دە بو شیلری نە صلاحیتلە یاپد یغمی سزە سویلمم دیدی۔٢٨ لكن نە قیاس ایدرسڭز برادمك ایكی اولادی وارادی وبرنجیسە گلوب اوغلم گیت بو گون باغمدە ایشلە دیدی۔٢٩ واوجواب ویروب استمم دیدی ایسە دە صڭرە پشیمان اولوب كیتدی۔٣٠ وایكنجیسنە گلوب اول منوال اوزرە سویلدی۔واوجواب ویروب پك ایوافندم دیدی ایسە دە كیتمدی۔٣١ ایكیسندن قنغیسی پدرینك مرادینی اجرا ایلدی دیدی۔اڭابرنجیسی دیدیلرعیسی دخی انلرە حقیقۃً سزە دیرمكە كجیلرایلە فاحشەلراللھك ملكوتنە سزدن اوّل كیررلر۔٣٢ زیرا یحیی سزە صلاح طریقندە گلدی امااڭااینانمادیكز۔ كمركجیلروفاحشە ایسە اڭاایناندیلروسزبونی كوردیككزدە اڭااینانمق ایچون صڭرە نادم اولمادیكز۔٣٣ دیكربرتمثیل دیكلە یكز۔خانە صاحبی برادم وارایدی كە باغ دیكوب اُنڭ اطرافنە چیت چویردی وایچندە برمعصرە قازدی وقلە بنا ایتدی وانی باغجیلر تسلیم ایدوب غربتە كیتدی۔٣٤ ومحصول وقتی یاقلاشد قدە قوللرینی محصولی آلمق اوزرە باغجیلرە كوندردی۔٣٥ وباعجیلرقوللرینی قوللرینی طوتوب كیمنی دوكدیلركیمنی اولدردیلر وكینی دخی طاشلادیلر۔٣٦ تكراراوّلكیلردن زیادە دیكرقوللركوندردی وانلرە دە اول منوالاوزرە معاملە ایلدیلر۔٣٧ عاقبت اوغلمە حرمت ایدرلردیەرك انلرە كندی اوغلنی كوندردی۔٣٨ اماباغجیلراوغلنی كورنجە ارالر دە بو وارثدر كلكز انی اولدروب میراثنی ضبط ایدە لم دیدیلر۔٣٩ وانی طوتوب باغدن چیقارە رق اولدردیلر٤٠ ایمدی باغ صاحبی گلدیگی زمان اول باغجیلر نە یاپە جقدر دیی۔٤١ اڭا اول كوتولری ھیبتلوطرزلە ھلاك ایدوب باغك محصولنی موسمندە ویرە جك اولان بشقە باغجیلر تسلیم ادە جكدر دیدیلر۔٤٢ عیسی دخی انلرە خطاباًیاپوجیلرك ردایتدكلری طاش كوسە طاشی اولدی۔بورب طرفندن اولوب كوزلرمز اوكندە عجایبدر كلامنی بر وقت كتابلردە اوقمادیكزمی۔٤٣ بونڭ ایچون سزە دیرمكە ملكوت اللە سزدن آلنوب محصولنی كتوران برامتە ویریلە جكدر۔٤٤ وبوطاش اوزرینە دوشن پارە لنە جكدر۔اودخی كیمك اوزرینە انی ازە جكدر دیدی۔٤٥ وباش كاھنلر ایلە فریسیلر اُنڭ تمثیللرینی ایشتدكلرندە كندیلری حقندە سویلدیكنی اڭادیلر۔٤٦ وانی طوتمغە قصدایتدیلرایسە دە خلقدن قوقدیلر زیرا انی پیغمبرمقامندە طوتارلرایدی۔